(Текст предоставил: Евгений Барышников

Хочацца зьехаць з глузду й гораду...

                  Евгений Барышников.

              Прыдумляецца розная херня па начох...
              хаця ўвогуле прынцыповая магчымасьць 
              сьведамае страты розуму даўно цікавіць...

хочацца зьехаць з глузду й гораду,
каб адпачыць ад усіх.
у звонкі спакой інфармацыйнага голаду
з пропускам годным „звычайны псіх",

выскачыць з парнага тлумнага полаку
голай душой на мароз,
і ў сумёт ці — з разбегу! — ў палонаку...
роспалаць скажа: „звычайны псіхоз".

потым ушушкацца ў саван радзюжкавы,
грэцца й цішком назіраць,
як цябе лечыць трэпанам і юшкаю
уся мурашыная раць.

ну а калі цішыня надакучыць,
можна вярнуцца — тае бяды! —
але розумам чыстым у бруд дзён бягучых
хіба можна знайсьці адваротнай хады?