(Текст предоставил: Евгений Барышников)
Барышников Евгений Посмотреть (исп. автор)

Балтыка (Балтика).

                  Евгений Барышников.

Балтыка. Драбязой трох краінаў
у кішэнях зьвініць памяць, пылам бурштынавым
ўспыхне на прысаку алтара́
зара́.

Балтыка. Паміж пальцаў тае
часу пясок, струмяніць-сьпявае,
шэпча гісторыі соснам і вязам...
Хтосьці пусьціў карані,
А хтосьці проста загразнуў.
А мы ма́рылі морам, мы мірна ма́рылі морам.
Ма́рылі морам, мы марылі морам...


Балтыка. Ў выдмах грае вецер,
сушыць струны рыбацкіх сецяў,
вусны салёныя, сны, мокрыя валасы
завіваюцца ў танцы на лязе касы
лясы.

Балтыка. Рассякае касою
варыянтаў мора напалам, надвое:
ціхі затон праваруч, налева — салёныя хвалі.
Вагаюцца шалі
між тымі, што хвалілі, і тымі, што хвалявалі.
А мы ма́рылі морам, мы мірна ма́рылі морам мы.
ма́рылі морам, мы ролі мералі, мроілі,
мелі, мары́лі, малілі, раілі, марна мы
марылі морам, мы марна марылі морам мы...
Ціша й спакой у затоцы, а на моры штармы.

Балтыка. Гасьне неба вока,
сном набрыняюць павекі аблокаў.
Ты так далёка, на’т не пагаварыць...

На алтары
зары
гарыць
сэрца —
бяры!

Куршская каса - Менск
2010-28.02.2013


Бард Топ elcom-tele.com      Анализ сайта