(Текст предоставил: Инна Шабельная)

Шабельная Инна

Першы снег (Первый снег).

                  муз. Инна Шабельная,
                  стихи Инны Снарской.

Першы снег, як воўк галодны,
Рана, рана на палі.
Ты самотны, ты бязродны,
Без цябе душа баліць.
   Воўк мой – снег, сляпое лісце
   Зноў ад холаду дрыжыць.
   Так і я сама калісці:
   Выжываць – амаль не жыць.

Выжываць самотай ў сэрца.
Выць, калі агорне жах,
А каб з голаду не ўмерці-
Па чужых блукаць дварах.
   А душа душою тужыць,
   А душа душой баліць...
   Белы воўк палямі кружыць
   I  не ўмее гаварыць.         
 
Першы снег, як воўк галодны,
Рана, рана на палі.
Ты самотны, ты бязродны,
Без цябе душа баліць.
   А душа душою тужыць,
   А душа душой баліць...
   Белы воўк палямі кружыць.